ជីវិតរបស់អ្នកនឹងផ្លាស់ប្ដូរ ដោយការដើរត្រឹមតែ៣០នាទីនៅពេលព្រឹក
12-November-2015 | ដោយ មួយឡា
ដើម្បីឱ្យមានសុខភាពល្អ ស្រកទម្ងន់ និងជៀសវាងជំងឺមួយចំនួន ដូចជាការឡើងសម្ពាធឈាម ការស្ទះសរសៃអាកទែរក្នុងសួត ការធ្លាក់ទឹកចិត្ត ជំងឺបេះដូង និងជំងឺមហារីកមួយចំនួន គេត្រូវបញ្ចេញកម្លាំងកាយឱ្យបានទៀងទាត់រាល់ថ្ងៃ។ ជាទូទៅ ការដែលគ្រាន់តែដើររាល់ៗព្រឹក យ៉ាងហោចណាស់ឱ្យបាន២ម៉ោងកន្លះក្នុង១សប្តាហ៍ គឺគ្រប់គ្រាន់ណាស់ទៅហើយ។
ខាងក្រោមនេះគឺជាអត្ថប្រយោជន៍នៃការដើរ រាល់ព្រឹក៖
បើតាមលោកវេជ្ជបណ្ឌិតDr. Gregg Fonarow ដែលជាអ្នកនាំពាក្យរបស់សមាគមបេះដូងអាមេរិក(American Heart Association) គេមិនចាំបាច់ខំប្រឹងរត់ធ្វើអ្វីទេ។ គ្រាន់តែដើរឱ្យបានទៀងទាត់រាល់ៗព្រឹកទៅ វាគ្រប់គ្រាន់ណាស់ទៅហើយដើម្បីកាត់បន្ថយហានិភ័យនៃជំងឺទឹកនោមផ្អែម ការស្លាប់មុនអាយុ និងជំងឺសរសៃឈាមបេះដូង។ល។ ហើយជួយថែរក្សាសុខភាពឱ្យនៅល្អបាន។
ដើរអាចល្អប្រសើរជាងការរត់៖
- ដើរអាចកាត់បន្ថយអត្រាកូលេស្តេរ៉ុលមិនល្អបានដល់ទៅ៧% ចំណែកឯរត់កាត់បន្ថយបានតែ៤.៣%ទេ
- ដើរអាចកាត់បន្ថយហានិភ័យកើតជំងឺទឹកនោមផ្អែមបានដល់ទៅ១២.៣% ចំណែកឯរត់កាត់បន្ថយបានតែ១២.១%ទេ
- ដើរអាចកាត់បន្ថយហានិភ័យកើតជំងឺឡើងសម្ពាធឈាមបានដល់ទៅ៧.២% ចំណែកឯរត់កាត់បន្ថយបានតែ៤.២%ទេ
- ដើរអាចកាត់បន្ថយហានិភ័យកើតជំងឺបេះដូងបានដល់ទៅ៩.៣% ចំណែកឯរត់កាត់បន្ថយបានតែ៤.៥%ទេ។
ក៏ប៉ុន្តែបើចង់សម្រកទម្ងន់ រត់មានប្រសិទ្ធភាពជាង។
ដើម្បីទាញយកអត្ថប្រយោជន៍ឱ្យបានពេញលេញពីការដើរ គេត្រូវធ្វើចលនាឱ្យសាច់ដុំឡើងក្តៅសិនមុននឹងចេញដើរ រួចធ្វើចលនាទាញដៃជើងខ្លួនប្រាណចុះឡើង ក្រោយពេលដើរចប់ ឱ្យកំដៅធ្លាក់ចុះតាមសម្រួល។ មិនត្រូវខំប្រឹងដើរឱ្យហួសពីកម្លាំងខ្លាំងពេកទេ ហើយត្រូវដកដង្ហើមឱ្យបានគ្រប់គ្រាន់នៅពេលដើរ៕
ប្រភព៖ health
ចំនួនអ្នកទស្សនា
- ថ្ងៃនេះ2571
- ម្សិលមិញ12561
- សប្តាហ៍នេះ30521
- ខែនេះ52401
- ឆ្នាំនេះ52401
- សរុប20494857